Se segget wel es: geleevden hebbet vöäle namen"
Info OAVEr de språke
Et (neader)sassisk – ouk wel bekend under de namen: plat(düütsk), neaderdüütsk, laegsassisk, of under regionale benamingen – is ne westgermaanske språke med ungeväär 6 miljoon spreakers. De grötste grup spreakers woanet in Düütskland en Neaderland. Anslutend is der ne kleine grup spreakers in Dänemarken. Ouk leavt der ne behöyrlike grup nåkummelingen van emigranten uut et düütske Vöärpommeren in den brasiliaansken deylståt Espírito Santo.
De språke verskilt van dörp töt dörp, standardsassisk besteyt düs nit. Der bint ruwweg söäven höyvd-dialektgrupen dee ouk weader wyder updeyld wörden künnet in kleinere, lokalere dialekten:
- grönningsk-oustfreesk
- noordneadersassisk
- meakelenburg-vöärpommersk
- veluwsk-drentsk
- westfålsk
- oustfålsk
- marksk-brandenbörgsk
alternative indeylinge
Volgens ne alternative indeyling ståt de dialekte in Neaderland slim under invlood van et standardneaderlandsk, wårdöär wy se as aparten dialektgrup müt beskouwen. In warkelikheid hevt dat skounwal vöäral betrekking up de skryvwyse; de neaderlandsk-neadersassiske dialekten wordet meysttyds skreaven med de skryvregels van et standardneaderlandsk, terwyl as de düütsk-neadersassiske de hougdüütske Rechtschreibungsregeln volget. En dat is medeyne de vöärnaamste readen dat de Nysassiske Skryvwyse in et leaven röpen is.