Oaver de skryvwyse
Hyrunder vindst du de grundbeginsels mid en beskryving van unse skryvwyse.
Leasbårheid
De leasbårheid van en skryvwyse steyt vöärup. De Nysassiske Skryvwyse formt de gölden middenweg tüsken de sassiske dialekten van Neaderland, Düütskland, Dänemarken en dårbuten.
Etymology
De (neader)sassiske språke hevt en groute varieteit an dialekten. Üm se up skrivt samen to brengen geyt de Nysassiske Skryvwyse uut van de etymology, oftewel de språkhistory.
Eyndüdigheid
Eyndüdigheid vergrout de leasbårheid. Döär alle uutspråken in skreaven form sou eyndüdig möägelik to holden is de Nysassiske Skryvwyse vöär elkeyne good to begrypen.
Afleidbårheid
De uutspråke van elk dialekt löt sik groutendeyls eyndüdig afleiden uut et skrivtbeald döärdat de grafemen (skrivtteykens) in elk dialekt vöär en eigen klankwaerde ståt.
Skryvwyse
Achtergrund
Et neadersassisk hevt lykevöäle skryvwysen as dialekten. En grensoaverskrydende skryvwyse had et töt nu to noch neet. De unvultooide Algemeyne Schryvwys’ van Reinhard Hahn was eyrst de basis vöär de Nysassiske Skryvwyse. Den hevt de gelyknamige warkgrup wyder uutwarked.
De Nysassiske Skryvwyse wil de versnippering an regionale skryvwysen by mekare brengen in eyne skryvwyse. Dårvöär hebbet wy en antal grundbeginsels upsteld: leasbårheid, etymology, eyndüdigheid en afleidbårheid. Bekyk unse video vöär en korte indrük van de skryvwyse
Grensöäverstryden kontakt
De Nysassiske Skryvwyse wil grensöäverstryden kontakt ünderstütten un verderen döär en ortografisken kompromis. Up souwel de nedderlandske as düütske syde van de grense is de normale konsens “skryv dat, as du dat segst”, wat in de praksis bedüüdt: “skryv dat, as weer dat nedderlandsk (or düütsk)”.
An steade maakt de Nysassiske Skryvwyse dat nich nöydig üm by dat sassiskskryven en ümweg öäver de ortografy van en vrömdspråke to neamen. Anders as eksempelwyse de SASS or de veale andere regionale skryvwysen vorlangt see sodännig ouk keyn depe kennis van de düütske or nedderlandske ortografy.
Sassiske språke
Et neadersassisk, sassisk of platdüütsk is ne westgermaanske språke med ungeväär 6 miljoon spreakers.
De grötste grup spreakers woanet in Düütskland en Neaderland. Anslutend is der ne kleine grup spreakers in Dänemarken.
Ouk leavt der ne behöyrlike grup nåkummelingen van emigranten uut et düütske Vöärpommeren in den brasiliaansken deylståt Espírito Santo.
Språkadvis nöydig
Hest du de websteade bekeaken mär noch altyd vul mid vrågen? Du kanst altyd kontakt mid uns upneamen.
- Vrågen oaver de Nysassiske Skryvwyse
- Uutleg oaver de basisprincipes
- Vrågen oaver et sassisk in et algemeyn
- Vrågen oaver språkhistory van et sassisk
- Vrågen mid betrekkinge tot sassiske språktechnology
- Andere vrågen
LÄTSTE NYS
Websteade in de lucht
Vandage is et endelik souwyd. De websteade van de Nysassiske Skryvwyse geyt in de lucht. Der sal de loup der tyd noch […]Leas wyder